საქართველოს ერთ-ერთი ულამაზესი ქალაქი ბათუმი უმნიშვნელოვანესი ტურისტული ცენტრია მთელს შავი ზღვის რეგიონში. გამორჩეულია ძველი და ახალი არქიტექტურული შენობებით, კულტურული მემკვიდრეობის ძეგლებით, მუზეუმებით, სტრატეგიული მნიშვნელობის უძველესი პორტით, ზღვისპირა ბულვარით, ევროპული მოედნებით და ქუჩებით, მსოფლიო ბრენდის მაღალი კლასის სასტუმროებითა და კაფეებით, ბათუმი თანამედროვე საქართველოს საუკეთესო სახეა. ქალაქი დღითი დღე მშვენდება, უკანასკნელი წლების განმავლობაში კი სწრაფი ტემპით განვითარდა. ევროპაში ყველაზე ხშირად ვიზიტირებადი ტურისტული ვებგვერდი “European Best Destinations’, რომელიც მოგზაურობის მსურველებს აწვდის ტურისტულად საინტერესტო მიმართულებების შესახებ ინფორმაცოას, ბათუმს ტურისტულად უსაფრთხო ადგილად ასახელებს. სტატიაში წერია: “ბათუმი ევროპაში უსაფრთხო მიმართულება. ევროპის დედაქალაქებთან შედარებით აქ კრიმინალის დონე 5 ჯერ დაბალია. “
ბათუმი, არამარტო უსაფრთო, არამედ ტურისტულად მიმზიდველი ქალაქია, რომელიც ცდილობს ფეხი აუწყოს თანამედროვეობას და ამავე დროს შეინარჩუნოს თავისი ისტორია და კულტურა, ამონარიდი სტატიიდან: “ ბათუმი საუკეთესო ნაზავია ლამაზი პეიზაჟების, ძლიერი კულტურისა და გამორჩეული სტუმართმოყვარეობის. ულამაზესი ქალაქი, რომელიც გეპატჟებათ, რომ საკუთარ თავზე გამოსცადოთ და ნახოთ უძველესი ისტორიული ადგილების კონტრასტი თანამედროვე ცხოვრების წესთან.“