შავი ზღვის მარგალიტი

ბათუმი - შავი ზღვის მარგალიტი, საქართველოს ერთ-ერთი უმშვენიერესი ქალაქი და აჭარის ავტონომიური რესპუბლიკის დედაქალაქი, უნიკალური ადგილია, როგორც ზღვით, ასევე ქალაქთან ახლოს მდებარე უნიკალური ადგილებით.

ამ ულამაზესი საპორტო ქალაქის მოსახლეობა 180 000-ზე მეტი ადამიანია. ეს წარმოადგენს ადგილს, სადაც ძველი და თანამედროვე არქიტექტურა ჰარმონიულად თანაარსებობს. ბათუმის ძველი ბულვარი, რომელიც 1884 წელს გაშენდა, დღემდე რჩება ქალაქის მთავარ სავიზიტო ბარათად. 7 კილომეტრიანი სანაპირო ზოლი სავსეა მწვანე ბაღებით, უნიკალური ძეგლებით და თანამედროვე ხელოვნების ნიმუშებით.

ქალაქის ისტორიული უბანი განსაკუთრებით მიმზიდველია თავისი მე-19 საუკუნის ევროპული არქიტექტურით. აქ შეგიძლიათ იხილოთ ძველი იტალიური ეზოები, მოჩუქურთმებული აივნები და საინტერესო ფასადები, რომლებიც ქალაქის განსაკუთრებულ ხიბლს ქმნიან.

თანამედროვე ბათუმი ცნობილია როგორც საერთაშორისო ტურისტული ცენტრი 

ქალაქში გვხვდება მსოფლიო დონის სასტუმროები. ასევე,უამრავი რესტორანი -  ტრადიციული აჭარული თუ საერთაშორისო სამზარეულო. ქალაქს მიმზიდველს ხდის მრავალფეროვანი გასართობი ცენტრები და აქტიური ღამის ცხოვრება.

ქალაქის არქიტექტურულ სიმბოლოებს შორის გამორჩეულია

''ანბანის'' კოშკი - 130 მეტრიანი ცათამბჯენი ქართული ანბანის უნიკალური დიზაინით, რომლის ბოლო სართულზე რესტორანია განთავსებული. ''ჭადრაკის სახლი''- თანამედროვე არქიტექტურის შედევრია. და, რა თქმა უნდა, პიაცა - იტალიური სტილის მოედანი ქალაქის ცენტრში.

ბათუმის კლიმატი სუბტროპიკულია, რაც ნიშნავს თბილ ზამთარს და ცხელ ზაფხულს. საკურორტო სეზონი მაისიდან ოქტომბრამდე გრძელდება, თუმცა ქალაქი მთელი წლის განმავლობაში მიმზიდველია ტურისტებისთვის. ამის ფონზე აღსანიშნია ბათუმის ბოტანიკური ბაღი, სადაც თქვენ შეგხვდებათ უიშვიათესი სახეობის ხე-მცენარეები მსოფლიოს სხვადასხვა წერტილიდან.

განსაკუთრებით აღსანიშნავია ბათუმის ფესტივალები და ღონისძიებები

• ჯაზ-ფესტივალი - Black Sea Jazz;
• საერთაშორისო კინოფესტივალი - BIAFF;
• მუსიკალური ფესტივალი - "ღამის სერენადები";
• ანიმაციური ფილმების ფესტივალი - Tofuzi.

ბათუმი არის ქალაქი, სადაც ყველა სტუმარი პოულობს საკუთარ ადგილს - იქნება ეს ისტორიის მოყვარული, აქტიური დასვენების მსურველი თუ გასტრონომიული ტურიზმის მოყვარული. ეს არის ადგილი, სადაც ტრადიციები თანამედროვეობას ერწყმის და ქმნის განუმეორებელ ატმოსფეროს.