ზღვისპირეთის მთავარი ქალაქი – ბათუმი ერთ-ერთი საუკეთესო და განვითარებული ტურისტული ადგილია საქართველოში. თავისი ძველი თუ ახალი არქიტექტურული შენობებით, კულტურული მემკვიდრეობის ძეგლებით, მუზეუმებით, სტრატეგიული მნიშვნელობის უძველესი პორტით, ზღვისპირა 7 კილომეტრიანი ბულვარით, ევროპული მოედნებით და ქუჩებით, ბოტანიკური ბაღით, დელფინარიუმით, მსოფლიო ბრენდის მაღალი კლასის სასტუმროებითა და კაფეებით, ბათუმი თანამედროვე საქართველოს საუკეთესო სახეა.
ბათუმი დღითი დღე მშვენდება, უკანასკნელი წლების განმავლობაში ქალაქი სწრაფი ტემპით ვითარდება. ბათუმი ცდილობს ფეხი აუწყოს თანამედროვეობას და ამავე დროს შეინარჩუნოს თავისი ისტორია და კულტურა.
სტაბილური, საქმიანი გარემო, ევროკავშირთან ასოცირების ხელშეკრულება, დაბალი გადასახადები, ლიბერალური ეკონომიკური კანონმდებლობა და სტრატეგიული გეოგრაფიული ადგილმდებარეობა - ეს არის ის მიზეზი, რის გამოც ბათუმი ინვესტორებისთვის ნამდვილი აღმოჩენაა.
რატომ ბათუმი-ინვესტირების მიზეზი:
ტურიზმის სავიზიტო ბარათი საქართველოში
ლიბერალური ეკონომიკური კანონმდებლობა
დადებითი საინვესტიციო კლიმატი უპირველეს ყოვლისა განისაზღვრება იმით,თუ რამდენად მიმზიდველი და კომფორტულია ის , როგორც მსხვილი ასევე საშუალო ზომის საინვესტიციო პროექტებისა და ინვესტორებისთვის. ამ მხრივ ბათუმი ყველასთვის ნამდვილი აღმოჩენა, რადგან აქ როგორც მსხვილი ასევე საშუალო და მცირე ზომის ინვესტორებისთვისაც მოიძებნება საინტერესო პროექტი.
ყველას, ვისაც ფულის ინვესტირება სურს, უნდა რომ რაც შეიძლება მაღალი სარგებელი მიიღოს. ამ კუთხით თუ შევხედავთ, საუკეთესო გადაწყვეტილება ფულის საკურორტო ზონებში ინვესტიციაა.
თამამად შეიძლება ითქვას, რომ დღეს ბათუმში საკუთარი საცხოვრებელი ბინის შეძენა პრესტიჟულიცაა და მომგებიანიც. ქალაქი იზრდება, მატულობს ტურისტული ნაკადიც. თანამედროვე სამშენებლო ტექნოლოგიების გამოყენებით მიმდინარეობს ახალი საცხოვრებელი სახლების მშენებლობა. ბათუმში უხვადაა ელიტური აპარტამენტები ზღვის ხედით, ხუთვარსკვლავიანი სასტუმროები, მწვანეში ჩაფლული მოკირწყლული ქუჩები, მუსიკალური შადრევნები, პარკები, ხეივნები...
ქალაქი თავს იწონებს ევროპაში ყველაზე გრძელი ბულვარით! ზაფხულობით ბათუმის პლაჟები დამსვენებლებით არის გადაჭედილი. სუფთა და კეთილმოსურნე ბათუმი თავისი სილამაზით მაგნიტივით იზიდავს ტურისტებს.
გარდა ტურისტებისა- ბათუმი თავისი სტრატეგიული ადგილმდებარეობიდან გამომდინარე ტურისტების გარდა უამრავ საერთაშორისო ღონისძიებას, საქმიან შეხვედრებს და კონფერენციებს მასპინძლობს, ამიტომ უძრავ ქონებაზე მოთხოვნა აქ წელიწადის ნებისმიერ დროს მაღალია.