სტუმართმოყვარე ხალხის, უძველესი კულტურის, უნიკალური ფოლკლორის, ხელშეუხებელი ბუნების, ზომიერი კლიმატის, უგემრიელესი სამზარეულოს და ღვინის უძველესი ტრადიციების სამშობლო, საქართველო სულ უფრო და უფრო მიმზიდველი ხდება საერთაშორისო მოგზაურებისათვის. ამას ნათლად ცხადჰყოფს ტურიზმის სტატისტიკები და საერთაშორისო რეიტინგები. 2019 წელს საქართველოს 9.0 მილიონზე მეტი ვიზიტორი ეწვია, ხოლო UNWTO-მ საქართველო მეოთხე ადგილზე დაასახელა, როგორც ერთ-ერთი ყველაზე მზარდი ტურისტული დესტინაცია. ტურიზმის პარალელურად, მშენებლობა ერთ-ერთი ყველაზე დინამიურად განვითარებადი სექტორია საქართველოში, სადაც უძრავ ქონებაში დაბანდების მსურველთა რაოდენობა წლიდან წლამდე იზრდება.

კავკასიის რეგიონში, შავი ზღვის სანაპიროზე, საქართველო გეოგრაფიულად კარგად არის პოზიციონირებული, როგორც კარიბჭე ევროპასა და აზიას შორის. ქვეყანა კარგად არის განლაგებული უმთავრეს ევროპულ, ცენტრალურ აზიასა და შუა აღმოსავლურ ბაზრებზე მარტივად მისაღწევად და მათ უმეტესობასთან აქვს თავისუფალი ვაჭრობის ხელშეკრულებები (FTA). ამ მხრივ, საქართველო უკვე ამაყობს ყველა წინაპირობებით, რომელიც საშუალებას მისცემს გახდეს რეგიონალური ფინანსური და ბიზნეს ცენტრი.