ბათუმში მოგზაურობა დაუვიწყარ მოგონებებს და თავგადასავლებს გთავაზობთ. აქ ყოველ ნაბიჯზე მოულოდნელ სანახაობას, ულამაზეს ადგილებს და შავი ზღვის საოცარი პეიზაჟებს წააწყდებით. თუ გიყვართ ზღვა და გინდათ გარემოს შეცვლა წარმოგიდგენთ იმ მნიშვნელოვან მიზეზს, თუ რატომ უნდა გადახვიდეთ ზღვისპირას საცხოვრებლად და რა დადებითი გავლენა შესაძლოა ქონდეს შავ ზღვას თქვენ ჯანმრთელობაზე.
წყალი
ზღვის წყალი შეიცავს ოთხმოცამდე ელემენტს, მათ შორის - ბრომს, იოდს, ქლორს, კალიუმს, კალციუმს, მაგნიუმს, სულფატებს, კარბონატებს. ხშირად მცირე ყურეებში გროვდება ზღვის ტალახი, რომლითაც შესაძლებელია სხეულის დაზელვა, რაც ასტიმულირებს ნივთიერებათა ცვლას, არბილებს ნაწიბურებს და ამცირებს ანთებას, აჩქარებს ძვლების შეხორცებას მოტეხილობის შემდეგ, აუმჯობესებს სახსრების მოძრაობასა და მოქნილობას, თირკმელზედა ჯირკვლის მუშაობას.
კლიმატი
შავი ზღვის სანაპიროზე თბილი და ტენიანი კლიმატია. წყალი არასოდეს იყინება, რადგან იგი ზღვებს შორის ყველაზე თბილია. წყლის ტემპერატურა ზედაპირზე 6 თვის განმავლობაში 16 გრადუსზე მაღალია. ზამთარში 6-8 გრადუსს უტოლდება, ზაფხულში კი 25 გრადუსს აჭარბებს. მზის აქტივობა კი სამხრეთის სხვა კურორტებთან შედარებით დაბალია.
რა გავლენა აქვს ზღვის კლიმატს?