ბულვარი ბათუმის ყველაზე პოპულარული ადგილია, რომელიც კულტურული მემკვიდრეობის ძეგლის სტატუსს ატარებს და ადამიანებს საინტერესო თავგადასავალს და ემოციას სთავაზობს. წარმოგიდგენთ ფაქტებს, რომელიც უნდა იცოდეთ ბულვარის შესახებ, სანამ მის მონახულებას გადაწყვეტთ.
- ბათუმის ბულვარის გაშენება პრუსიელმა მებაღეებმა რესლერმა და რეიერმა 1881 წელს დაიწყეს და მისი არსებობა უკვე სამ ათასწლეულს მოიცავს;
- ბათუმის ბულვარში წარმოდგენილია განსხვავებული ფლორა და ფაუნა. აქ შეხვდებით 140- ზე მეტ ცხოველს და 40 ათასზე მეტი სახეობის ხე-მცენარეებს;
- 1863 წელს აიგო ბათუმის შუქურა, რომელიც ტექნიკურ ფუნქციასთან ერთად ატარებს კულტურული მემკვიდრეობის ძეგლის სტატუს. არქიტექტურის ეს ნიმუში, გამოირჩევა უნიკალური მდებარეობით, სადაც ერთმანეთს ემთხვევა გრძედისა და განედის 41 გრადუსიანი პარალელი;
- 1884 წელს გაშენდა ხეივანი, რომელსაც მარადმწვანე მცენარეების გამო „მაგნოლიების ხეივანი“ ეწოდა;
- 1981 წელს, მხატვარ ზურაბ კაპანაძის ესკიზის მიხედვით აშენდა კაფე ფანტაზია, რომელიც მოზაიკური ხელოვნების ნიმუშია და წლების განმავლობაში ბათუმის სავიზიტო ბარათად იყო ქცეული;
- 2009 წელს ბულვარის ტერიტორია გაიზარდა და მოიცვა 7 კილომეტრი. რომელიც თანამედროვე არქიტექტორის და ლანდშაფტის სინთეზის შესანიშნავი ნიმუშია;
- ბულვარის სიმბოლო არის ანტიკური სტილის კოლონადები. მისი იდეა ეკუთვნის ბათუმელ ექიმს ივანე მჭედლიძეს, რომელმაც 1930 წელს იტალიის ქალაქ სორენტოდან ჩამოიტანა პროექტი მაქსიმ გორკის დახმარებით.
ბულვარი დღეს ბათუმის სავიზიტო ბარათად ითვლება. წელიწადის ნებისმიერ დროს შეგიძლიათ ეწვიოთ მას და მოინახულოთ ულამაზესი მაგნოლიის ხეივანი, ბათუმის შუქურა და კოლონადები. აქ მოისმენთ უცხო ადამიანებისგან მოყოლილ ბათუმის ისტორიას, შეძლებთ ეწვიოთ სანაპიროს და აქციოდ ბათუმი თქვენს ნაწილად.
